"me haut eifach ab.
statt ufrume eifach abhaue.
und wichtig, säge, dass mer denn emfall ned weiss, ob mer weder zruggchummt.“
Die Zit nach em Sturz.
S Schaukle, de Schnee und d Süessigkeite.
Bern, Züri, s Abhaue nach Marseille.
S bitz verliebt si und glichzitig doch frisch verwitwet.
Herzlich Willkomme. Egal wie wit mer gaht. Emmer weder heissts herzlich Willkomme zrugg, zrugg i sinere Gschicht.
„Ich glaube, man kann das eigene Leben nur erzählend bestehen, sich selbst erzählend.
Der Mensch, der in eine wirkliche Notsituation gerät, in ein Gefangenenlager,
in eine Gletscherspalte oder weiß ich, wohin: Der Mensch, der in der Gletscherspalte an einem Seil hängt,
bereitet bereits die Erzählung vor, die er dann erzählen wird am Stammtisch. Wenn er gerettet wird.“
Peter Bichsel
AUSSCHNITT
"Ich wörd mega gern öppis met euch mache, woni mega gern mach. Und das esch schwätze.
Aber ich ha gmerkt, dass all die Gschichte, woni i de letschte Jahr gsammlet han, mit einere zämehänked,
woni garned so gern verzell. Und ohni dassi die verzell, chani die andere eigentlich au ned verzelle.
Und drum fangi ah mit einere Gschicht
woni eigentlich gar ned so gern verzell.
Und zwar send de Valentin und ich imene Summer ei Wuche zäme id Berge.
Und mer händ das gmacht, womer beid am liebschte mached.
Nämlich gschwätzt.
Und so semmer gloffe und gloffe und händ gschwätz und gschwätzt und emmer witer ufe.
Und amigs bim laufe semmer stahblebe, ned wells so asträngend gsi esch,
sondern well mer so vertüft gsi send is schwätze.
Und mer händ gschwätzt über eus und alles und vor allem über das wo na sett cho.
Und denn
am letschte Tag
womer scho fascht weder dunde gsi send em Tag
esch de Valentin gstürzt. …“
Und ich erzähle
Vom Schaukeln und vom Schnee
Von Bonbons und Delfinen
Von Saskia und Andi.
Vom wieder verliebt sein.
Bern, Zürich, Abhauen nach Marseille.
Dem Versuch, seiner eigenen Geschichte zu entkommen.
"... und denn esch de herbscht cho.
und s schaukle het eifach nömme so spass gmacht und züri esch nöme das gsi, wases mal gsi esch und bern au nömme das, was es sött
ja
und denn semmer eifach abghaue.
z dritt höch, eifach weg.
vellecht eschs das womer macht, wenn züri nömme das esch was es sött und bern nömme das esch was es sött.
me haut eifach ab.
statt ufrume eifach abhaue.
und wichtig, säge, dass mer denn emfall ned weiss, ob mer weder zruggchummt.
ich mein, för was au. ..."
AUFFÜHRUNGEN
Volumes Zürich (2O23)
Babyangel Zürich, Fruit Basquet, curated by Philip Neuberger and GregoryTara Hari (2023)
Act Perform Festival Bern (2023)
Act Perform Festival Luzern (2023)
Act Perform Festival Basel (2023)
Bar Regula, You and the night and the stories (2023)
HKB Bern, Fine Arts presentations (2022)
< zurück